Haom eon ro Bureau of Fire Protection ukon BFP Kalibo sa igapatigayon nandang aktibidad angot sa dag-unan nga Fire Prevention Month.
Ginpaathag ni Fire Senior Inspector Arden Berdoña, municipal fire marshall it BFP Kalibo nga ro prevention sa sunog hay bukon eamang it para sa buean it Marso kundi kinahang-ean raya sa pang adlaw-adlaw nga pagpangabuhi.
Bangud kara, nagapadayon ro andang pagpadumdom ag kampanya agud nga makalikaw sa insidente it sunog.
May kaangtanan kara, maabo ro nakalinyada nga aktibidad it BFP kon sa siin igalunsar nanda ro bombero, freind and pets unity walk.
Pagasundan it motorcade parade kamana man may andang fire square road show kon sa siin pwede nga maexperience dikara it mga onga ro pila ka mga activities kaibahan ro pagturo kanda kon paanu makalikaw ag matapna ro sunog.
Sa pihak nga parte, bukon eamang it sunog ro ginarespondehan it mga bombero kundi mga vehicular accidents.
Sa kamatuoran suno kay Bedoña hay 154 vehiculars accident ro andang narespondehan ag 29 structural fire sa bilog nga banwa it Kalibo.
