Mas pa nga ginpabaskog it Bureau of Fire Protection ukon BFP-Kalibo ro andang kampanya agud nga malikawan ro sunog pinaagi sa ginlunsar nga KAISA ukon Call to Action Against Destructive Fire Campaign.
Giinpaathag ni FO3 Kristina Zendon , OIC fire safety enforcement section it BFP kalibo nga ro KAISA hay kampanya it andang national headquarters agud nga mas pang mapabaskog ro pagbueuligan it pribadong sector, mga taeatapan it gobyerno, mga organisasyon ag grupong pangsosyudad agud nga malikawan ro pagtuhaw it mga insidente it sunog.
Sa idaeum it nasambit nga programa, ginataw-an kara it atensyon ro pagiging self-reliant ag self policing initiatives it kada opisina ukon taeatapan para malikawan ro sunog sa andang establisimento.
Ginpahayag ni FO3 Zendo nga 10 eon nga barangay sa kalibo nakaangkon it planning process para sa fire protection partikular ro pag-assign it fire marshall sa andang natungdan nga lugar.
Kadungan kara, gina engganyo pa gid nanda ro mga business establishments nga magbuylog kanda ag maging sambilog sa andang fire safety partners.
Mag-eowas kara, ginpabaskog man it BFP ro andang kampanya sa pagpatuman it EDITH ukon exit drill in the home ukon paalin nga makaeowas engkaso nga makaangkon it sunog sa sueod it baeay.