KALIBO, Aklan—Nagapabilin nga bukas sa pagresponde ro taeatapan it Bureau of Fire Protection (BFP)-Kalibo sa pihak it pagpositibo sa COVID-19 it daywa sa andang personnel.
Suno kay Fire Inspector Joseph Cadag it BFP-Kalibo nga haom ro andang opisina sa pagresponde engkaso nga may magtuhaw nga sunog.
Gin-insister man kara nga indi pwedeng ma-paralyze ro andang operasyon bangud sambilog ro Bureau of Fire sa mga ginakabig nga first responder.
Ro nasambit nga mga empleyado nga nakaangkon it COVID-19 infection hay naeakip sa “shift A” kun sa siin insigida man nga gin-abisuhan ro andang kaibahan sa duty nga mag-isolate.
Nagguwa sigon ro andang sintomas samtang naka-off duty apang ginpakamayad gihapon it taeatapan nga ipaidaeom sa swab test ro andang kaibahan sa shifting kamana man nga gin-indorso sa tagsa ka mga lokal nga gobyerno.
May kaangtanan kara, ginklaro man ni Fire Inspector Cadag nga owa it direct contact ro mga duty personnel makaron it BFP-Kalibo sa daywang nagpositibo.
Suno kana, bilang pagsunod sa protocols hay ginpaidaeom man sa swab test ro mga raya kun siin presente sandang naga-tinir sa baraks samtang nagahueat it resulta.
Ginpasiguro man kara nga regular ro andang pagpatigayun it maidid nga disinfection.
