KALIBO, Aklan–Nagapadayon pa ro imbestigasyon it Bureau of Fire Protection ukon BFP-Kalibo agud nga matumod ro ginhalinan it nagtuhaw nga sunog kahapon sa bahin it Brgy. Pook, Kalibo.
Suno kay FO1 Janryl Magno, ire and arson investigator it BFP-Kalibo bandang alas 5 it hapon sanda nakabaton it tawag nga may nagtuhaw nga sangka sunog sa nasambit nga lugar.
Insigida nga nagresponde ro katapu it BFP-Kalibo ag sa bulig man it mga pomoeuyo pagkatapos it 10 minutos hay gindeklara eon raya nga fire-out.
Samtang ginatantiyang nag-abot sa 15,000 pesos ro inisyal nga danyos nga nalista sa nasambit nga sunog.
Base sa inisyal nga imbestigasyon it BFP-Kalibo sa may kusina naghalin ro kaeayo apang owa pa natumod kung ano gid ro ginhalinan it kaeayo.
Samtang,owa man it nareport nga naninahan sa insidente.
