KALIBO, Aklan—Bilang kaparte sa gihapon it pagdumdum sa Fire Prevention Month, nagpatigayon ro Bureau of Fire Protection ukon BFP Kalibo it ika-tatlo nga Inter-Barangay Fire Olympics sa Kalibo Pastrana park.
Ginpaathag ni F02 John Vincent Nufable it BFP-Kalibo nga ro Fire Olympics hay sangka pamaagi agud nga pabaskugon ag uman nga bilugon ro ikasarang it mga barangay fire brigades sa madasig nga pagsabat sa mga kaso it sunog ag iba pang emergency.
Tuyo kara nga ipakita ro andang ikasarang sa firefighting ag rescuing.
Siyam nga mga baranggay sa Kalibo ro nagpasakop sa Inter-Barangay Fire Olympics, nga ginaeakipan it Brgy. Tinigaw, Andagao, Estancia, Bakhaw Norte, Mabilo, Buswang Old, Polacion, Mobo ag Tigayon kun sa siin libre suno kana ro lecture/seminar angot sa kaeowasan sa sunog.
Kada dag-on hay nagabilog sanda it community fire auxillary group ukon CFAG sa kada barangay nga magaserbing first responder sa pagtuhaw it sunog.
Dugang pa ni FO2 nufable nga kada 16 nga barangay sa kalibo hay ginatinguhaan nanda nga organizational fire brigade structure para sa kahauman sa anuman nga emergency nga matabu nga ro kada miyembro hay gina-isyuhan it ID.
Ro mga aktibidad sa Fire Olympics hay ginaeakipan it Basic First Aid, paalin nga magdaea it biktima sa ospital, Blitz Attack, Hose Laying and Replacement of Busted Hose, Flammable Liquid Fire Extinguishment, ag Bucket Relay.
Tuyo man it aktibidad nga mabutang sa isip it kada participants ro kasayuran kon paalin nga maging knowledgeable sa makahaealit nga sunog ag madugangan ro skills sa fire prevention agud nga maging mabakod nga sosyudad.
