KALIBO, Aklan—Naka-full alert mkaron ro bilog nga pwersa it Bureau of Fire Protection (BFP)-Kalibo para magbantay sa selebrasyon it Kapaskwahan.
Suno kay FO1 Jerick John Casamayor, Emergency Medical Technician it BFP-Kalibo nga may limang ka mga personnel halin sa andang estasyon ro ginpadaea sa ibang probinsya para magbulig sa pagtao it seguridad makaron nga Yuletide season.
Kaibahan sigon sa limang BFP personnel si Municipal Firemarshal Fire Senior Inspector Arden Bedoña.
Angot kara, hugut man nga ginapatuman it taeatapan ro “Oplan Iwas Paputok” para malikawan ro pilang ka mga aksidente eabi eon sa pagsug-aeaw it bag-ong dag-on.
Adlaw-adlaw sigon sanda nga nagalibot ag nagapatigayun it rekoreda angot sa pagbawae sa paggamit it pilang ka mga paeupok.
Samtang, ginpadumdom man kara ro publiko nga siguraduhon nga naka-off ro mga gasul matapos ro pag-eaha para malikawan ro sunog eabi pa makaron nga uso ro mga handaan.
