KALIBO, Aklan—Nagapadayon ro imbestigasyon it Bureau of Fire Protection ukon BFP angot sa natabu nga sunog sa library it Aklan National High School of Arts and Trades ukon ANHSAT sa Barangay Andagao, Kalibo.
Suno kay FO2 Baldomero Imperial, arson investigator it BFP Kalibo, natapna eon ro kaeayo kat anda raya nga naabutan kon siin ginatan-aw nga anggulo ro faulty electrical wiring ro gintunaan it nasambit nga insidente.
Mag-eowas sa libro, pila sa mga nasunog hay ro mga importanteng dokumento it eskwelahan, computer sets, air conditioning unit ag iba pang kagamitan kon siin ginatantya sigon it pamunuan it eskwelahan nga kapin sa P70,000 ro danyos it mga raya.
May kaangtanan kara, uman nga nagpadumdom ro BFP sa publiko nga magdahan sa kaeayo bangud nga mabahoe raya nga halit sa kabuhi ag pangabuhian it mga tawo.
