KALIBO, Aklan—Uwa it mga namonitor nga untoward incident ro Bureau of Fire Protection ukon BFP sa banwa it Makato sa ginpatigayon nga 2022 national and local eleksyon sa nasambit nga lugar.
Suno kay FO2 Sandro Fernando, mahambae sigon nanda nga peacefull ro makasaysayan makaron nga eleksyon sa tunga it pandemya apisar nga inde malikawan ro pila ka mga vote counting machine ukon VCM’s nga nagkaaberya sa pila ka mga kabaryuhan it nasambit nga banwa.
Sa ginpatigayon nga monitoring, ginpahayag ni Fernando nga may mga sangkiri nga problema sanda nga naencounter partikular ro pila ka mga reklamo it mga botante sa mahaba nga pila kadungan it naeksperyensyahan nga mainit nga panyempo.
Apang, insgida man sigon raya nga nasolusyunan.
Ro bilog nga pwersa it BFP kabulig ro pila ka mga natungdan nga ahensya it gobyerno hay nagbueoligan para maangkon ro malinong ag matawhay nga presidential election makaron nga dag-on 2022.
