Mas pa nga gin-doble it Bureau of Fire Protection ukon BFP New Washington ro andang Recorida Firetruck Visibility sa mga baryo-baryo para siguraduhon nga uwa it naga-eabag sa ordinansa it andang banwa.
Suno sa SFO3 Rona Panado, Fire Marshall it BFP New Washington nga adlaw-adlaw sanda naga libot sa bilog nga banwa agud nga mamonitor kon may nagabaligya it mga paeupok.
Raya hay bangud nga may naga eksister sigon sanda nga municipal ordinance nga bawae magbaligya it paeupok sa andang lugar ugaling pwede man gihapon mag bakae sa ibang banwa ag mag paeupok.
Depende eon lang sa barangay suno kana kun may nakataeana sandang lugar para sa kara.
Dugang pa nga nagapanao sanda it leaflets sa mga pumueuyo agud mag tao it impormasyon angot sa fire safety partikular ro paggamit it paeupok.
Ginpahayag pa ni SFO3 Panado nga umpisa ku December 23 hay naka heightened alert eon ro BFP bilang pagpahaum sa anumang fire incidents ag iba pang mga untoward incident sa pagsug-aeaw sa bag-ong dag-on.
Sa pag selebrar sigon it Paskwa kahapon hay matawhay man ro sitwasyon sa andang banwa.
Samtang, nag panumdom man imaw sa mga pamueuyo nga bue’on ro andang numero sa mga leaflets nga gin panao agud makatawag sanda it madalian kun may dapat respondihan mapa-medical man ukon sunog, ag unahon sigon nga magpangayo it bulig sa mga natungdan kaysa videohan do mga naga-kinatabo.
