Kalibo Aklan———Padayun nga ginatinguhaan it Bureau of Fire Protection (BFP) nga mapatindugan it kaugalingon nga fire stations ag makaangkon it fire trucks ro 17 nga banwa sa probinsiya it Aklan.
Suno kay Fire Chief Inspector Rowel Limjuco, acting provincial fire marshall nga activated eon ro fire stations sa banwa it Makato, Malinao ag Banga.
Sa makaron hay ginatutukan sigon ni BFP regional director Senior Superintendent Jerry Duhina Candido nga mapatindugan it fire station ro mga banwa it Lezo ag ma-isyuhan it bag-o nga fire truck .
Ginaduso man nga mapadayun ro construction it naga-exist eon nga fire station building sa Madalag nga nakaangkon eamang sigon it sangkiri nga problema sa eugta .
Sa pihak nga parte, gindugang pa ni Limjuco nga owa eamang sanda nakatutok makaron sa fire fighting kundi nga ginapabaskog man it BFP ro andang special rescue unit sa Aklan nga magapatigayon it rescue operations ag magatau it emergency medical services.
Nagaeaum man ro BFP-Aklan nga maduso ro modernization program sa andang linyada kun sa siin kaibahan sa plano hay ro pagbakae it mga modernong kagamitan kapareho it fire boat ag fire helicopter.
