KALIBO, Aklan—Pagataw-an it atensyon makaron nga dag-on it Bureau of Fire Protection (BFP) ro tatlong banwa sa aklan nga owa pa it fire station ag fire trucks.
Suno kay BFP-6 Regional Director Senior Superintendent Jerry Duhina Candido nga anda anay nga pagatututukan ro pagtukod it fire stations ukon temporaryong istraktura sa mga banwa it banga, batan ag nabas antes ro pagtau it fire trucks.
Sa pihak kara, plano man nanda nga magtau it bag-ong fire truck sa banwa it Lezo, ag padayunon ro construction sa naga-eksister nga fire station building sa Madalag.
Ginpaathag kara nga ro BFP hay may standard nga ginagamit nga sangka fire truck sa kada 28,000 nga populasyon.
Sa pihak nga parte, sa oras nga matapos eon ro bag-ong building it ginaproponer nga fire station sa Banga, ginpahayag it tubong Aklan nga si Candido nga ibutang idtu ro opisina it Provincial Fire Marshall nga presenteng iya sa banwa it Kalibo.
Plano pa nana nga magbutang it special rescue unit sa Ibajay ukon sa Nabas, Balete ag Altavas.
Sa Marso 2021, magabaton ro BFP-6 it mga aplikanteng interesadong maging bumbero.
