Nagaeaum ro Bureau of Immigration nga makaangkon it average nga masobra sa 12,000 nga tourist arrivals sa pag-umpisa it summer sa nasyon sa tunga it ginhaeugaan nga travel restrictions sa pihak it nagapadayun nga COVID-19 pandemic.
Ginpahayag ni BI spokesperson Dana Sandoval nga nakikita nanda ro padayun nga pagtaas it tourist arrivals umpisa nga gin-reopen it Inter-Agency Task Force for the Management of Emerging Infectious Disease (IATF) ro borders it nasyon ko nagtaliwan nga buean.
Haum man ro BI sa posibleng surge it foreign nationals.
Ginpamilit ni Sandoval nga full force eon ro ahensya sa deployment it airport personnel agud nga masiguro nga maserbisyuhan ro tanan nga arriving passengers.
Ginpasiguro man it BI nga gina-monitor kara it husto ro mga arrivals.
Ginmanduan eon man it Bureau of Quarantine (BOQ) nga mag-inspeksyon sa health-related travel documents it mga naga-aeabutan nga mga dumueuong sa Pilipinas.
Pwede man nga magpatuman ro BI it “exclusion proceedings” para sa mga dumueuong nga indi maga-comply sa IATF requirements.
