Nagpahayag si Nabas mayor James Solanoy it anang opposition sa kontrobersiyal nga Boracay Island Development Authority ukon (BIDA) bill nga nagatuyo nga dumaeahan ro Boracay sa idaeum it ginaproponer nga maging Government and Owned Corporation (GOCC).
Suno kay mayor Solanoy nga raya hay sangka tikang agud nga maduea-an it kinamatarung ag kita ro banwa it Malay ag lokal nga probinsiya it Aklan.
Nakabaehag sa mga provisions it bill nga aprubado eon sa ikatlo ag ulihing pagbasa it Kamara nga pagaboe-an kara it kinamatarung ro provincial government sa mga revenue, ag iga-take over it gobyerno ro pagdumaea sa isla halin sa lokal nga gobyerno.
Nagapati man si mayor Solanoy nga posibleng sakupon man kara ro barangay Caticlan ag portion it andang banwang Nabas bangud nga extended hasta idtu ro Caticlan airport nga hugut sigon nanda nga pagabaeabagan engkaso nga matabu.
