KALIBO, Aklan—Ginatan-aw ni Bombo International Correspondent Mr. Greg Aguilar, tubong banwa it Kalibo, Aklan apang presenteng naga-istar sa Palm Desert, California nga si Democratic presidential nominee Joe Biden ro magapangibabaw sa California sa maabot nga November 3 presidential US election.
Mabaskog sigon ro pangaean ni Biden sa nasambit nga estado bangud sa mga nagtaliwan nga elections hay nagdaog ro democrat kaparehas nanday dating US president Barrack Obama, George W. Bush ag Bill Clinton nga uwa gid nagpaltos ro andang kadaeag-an.
Ginpaathag nga ko nagtaliwan nga 25 anyos hay democratic party ro nagadaog sa nasambit nga estado rason nga medyo sigurado eon ro kadaeag-an ni Biden sa mabahoe ag popular state.
Ginpahayag dugang nga medyo uwa sigon it magiging pueos ro imong boto kon kay incumbent Republican US president Donald Trump ka magboto bangud nga siguradong si Biden gihapon ro magadaog.
Ro ibang estado eon lang sigon sa Amerika ro dapat nga tinguhaan ni Trump kon gusto kara nga magpungko it uman sa pwesto bilang presidente it gamhanang nasyon.
Si Mr. Aguilar hay sangka professional civil engineer nga nagmigrate sa Estados Unidos kato pang 1976.
