USA – Ginkansela eun ni US President Joe Biden ro pila sa mga biyahe nana sa ibang nasyon bangud sa pagdaeasa it Hurricane Milton sa Florida.
Nakataeana kunta raya nga mag-adto sa mga masunod nga adlaw sa Germany ag Angola apang bangud sa nakataeana nga pag-abot it bagyo hay ginpakamayad nga kanselahon eun lamang.
Importante sigon nga bantayan ro mga hueag nga panguna sa aeagyan it bagyo para masiguro nga uwa it anuman nga mabahoe nga kasamaran.
Anang ginpaiway sa mga masunod nga adlaw ro nasambit nga pagbisita sa ibang nasyon.
Matandaan nagakabaeaka it uman ro mga inagyan it bagyo ku nagtaliwan nga dominggo it Hurricane Helene bangud sa raya hay magiging target makaron it Hurricane Milton.
Una eun nga ginsiguro it White House nga andang strikto nga ginabantayan ro mga sitwasyon it maagyan it bagyong Milton nga una sa category 4 eun.
