Kalibo Aklan —————–Magapatuman si US President Joe Biden it sunction kontra sa nasyon nga Russia bangud sa pagsalakay kara sa Ukraine.
Suno kay Bombo International Correspondent Greg Aguilar it California U.S.A nga kaibahan sa mga igapatuman nga sunction it US sa Russia hay ro pagduea it transaksiyon sa major Russian bank nga VEB ag ro military bank, kamana man ro sovereign debt it nasyon ag ro pagpatong it penalidad sa tatlong ka mga indibidwal.
Ro nasambitan nga bank sanctions hay magalimita sa American financial institutions nga makaproseso it transaksyon sa VEB ag it Russia’s military bank nga PSB.
Raya hay magapapundo man sa tanan nga transaksyon sa banko kaibahan ro U.S. dollars, nga sangka global reserve currency.
Mag-euwas sa sanctions sa VEB ag utang it Russia, ro Biden administration hay magapatuman man it sunction sa tatlong ka mga indibidwal kun sa siin ro daywa sa mga raya hay unga it high-ranking Russian government officials.
Madumduman nga ko nagtaliwan nga adlaw hay nag-deploy ro Russia it andang suldado sa daywang ka mga breakaway regions sa eastern porsiyon it Ukraine.
