KALIBO, Aklan–Nagapabilin nga liyamado sa estado it California, USA si Democratic Presidential Nominee Joe Biden kontra kay US President Donald Trump, sang dominggo antes ro eleksyon sa Nobyembre 3.
Suno kay Bombo International Correspondent Lian Kris Francisco, tumandok it banwang Lezo apang presenteng naga-istar sa nasambitang estado nga masobra 58 million eon nga American nationals ro nakaboto kung sa siin pilang milyon eon lang ginahueat agud nga makompleto ukon matapos ro pag-tally agud nga matumod kung sin-o ro magadaog sa tunga it daywang kandidato.
Ginpahayag dugang nga ro California hay sangka democratic state rason nga maabo ro nagapabor kay Biden.
Kaabuan sigon sa mga Amerikano hay nagboto pinaagi sa mail voting bangud sa nagapadayun nga paeag it COVID-19 apang may gintaeana man sigon nga voting precincts para sa mga gustong magboto sa mismong adlaw it eleksyon.
