-- ADVERTISEMENT --
Owa nagapati si US President Joe Biden nga sangka nagapangunang security breach ro natabo nga pagpaeupad it suspected Chinese spy balloon sa kahawaan it Amerika.
Kasunod raya sa pagbatikos it pilang mga mamalidha sa Estados Unidos.
Suno sa US President nga owa imaw it paghinuesoe kung ham-an owa eagi nana raya ginpabagbag.
Dugang pa kara nga nagakabaeaka ro mga soldado sa lugar nga pagabagsakan it mga debris engkaso nga anda raya nga insigidang paeukpan.
Madumduman nga maidid nga ginpamalibaran it China nga sangka klase it spy balloon ro nakita sa mabahoe nga parte it Amerika.
-- ADVERTISEMENT --
