Padayon sa gihapon ro pagtrabaho ni US President Joe Biden apisar nga raya hay naka-isolate matapos nga magpositibo sa COVID-19.
Suno kay White House press secretary Karine Jean-Pierre, nagapakigpueong ro US president sa mga opisyal it US pamaagi sa virtuall meeting samtang raya hay naka-isolate sa sangka kuwarto it White House.
Gintaw-an eon man raya it antiviral medicine nga Paxlovid sandig eon man sa suhestiyon it andang doctor.
Nakaka-eksperyensya eamang sigon it sangkiri nga sip-on ag pagpaeanakit it tutunlan ro US president kung siin ginahueat pa it mga doctor ro resulta it pagtan-aw kara kung ano nga klaseng variant ro posibleng tumama kara.
Samtang,madumduman nga ro 79-anyos nga presidente hay fully vaccinated eon ag daywang beses eon man rayang naka-angkon it daywang booster shots kontra sa COVID-19.
