Mayad nga balita sa mga motorista.
Eauman nga sa adlaw it Martes hay makaangkon it mabahoe nga pagbawas sa presyo it produktong petrolyo.
Ginpaathag ni Asst. Director Rodela Romero it Department of Energy-Oil Industry Management Bureau (DOE-OIMB) nga base sa four-day oil trading hay makaangkon it rollback sa tanan nga produktong petrolyo.
Sa pagtantiya base sa nagtaliwan nga ap-at nga adlaw nga pagbaeayluhan, posible ro P3.70 hasta P3.90 nga bawas-presyo sa kada litro it diesel.
Ro presyo man it gasolina hay maganaba it P1.10 hasta P1.30 kada litro samtang ro kerosene hay maganaba it P2.20 hasta P2.40 kada litro.
Ginpahayag ni romero nga ro pagtaas it kaso it COVID-19 sa mainland China, mataas nga crude inventory sa US ag price cap nga ginpatuman it Russian sa krudo ro nagapangunang ugat it pagnaba sa presyo it produktong petrolyo.
