Ginsabat ni Chinese Foreign Ministry spokesperson Lin Jian ro naging pahayag ni Defense secretary Gilbert Teodoro nga ro China hay ‘biggest disruptor of peace’ sa Southeast Asia.
Matandaan nga gintawag ni Sec. Gibo ro China bilang ‘biggest disruptor of peace’ kadungan it anang pagtao it mensahe sa ika-35 Indo-Pacific International Military Law and Operations Conference.
Suno kay Lin, ro China ro ulihing nasyon nga magagulo sa katawhayan.
Gin-akusahan man ni Lin ro Pilipinas nga naga-umpisa ro probokasyon nga magagambala ag nagasamad sa katawhayan sa Indo-Pacific Region.
Ro pahayag it China hay sa pihak pa it sunod-sunod nga ginhimo kara nga pambubully sa mga barko it Pilipinas sa West Philippine Sea nga naga-eayag sa sueod it Exclusive Economic Zone it nasyon.
Mag-euwas sa mga barko it Pilipinas, padayon gihapon ro harassment nga ginahimo it mga Chinese vessel sa mga mangingisdang nagaagi sa mga kaeawran nga nagaserbing traditional fishing ground it mga Pilipino.
