NATIONAL News — Uman nga magapatuman it mabahuean nga bawas sa presyo it mga produktong petrolyo ro mga kompanya it langis sa nasyon epektibo hin-aga nga adlaw it Martes.
Sa abiso it mga kompanya it langis sa nasyon nga ginapangunahan it Pilipinas Shell, Petron Corporation, Seaoil, PTT Philippines, Total Philippines, Unioil, Petro Gazz ag Phoenix Petroleum, magapatuman sanda it bawas presyo nga P1.00 sa kada litro it gasolina, P1.30 sa kada litro it diesel, ag P1.65 man sa kada litro it kerosene nga magiging epektibo alas-6 hin-aga it agahon.
May big time oil price rollback man sa presyo it mga produktong petrolyo sa kapareho nga kantidad ro kompanyang Caltex ag CleanFuel nga magiging epektibo alas-12:01 hinduna it aga-aga.
Ro igapatuman nga mabahoe nga bawas presyo sa mga produktong petrolyo hay tuga it padayun nga paghueag sa presyuhan kara sa pangkalibutanon nga merkado.
Madumduman nga ko nagtaliwan nga Martes hay nagpatuman man it big time oil price rollback ro mga kompanya it langis sa nasyon nga P1.55 sa kada litro it gasolina, P1.30 sa kada litro it diesel, ag P1.40 man sa kada litro it kerosene.
