KALIBO, Aklan — Gin suhestiyon it simbahang katolika nga magpatigayun it imbestigasyon may kaangtanan sa malaswang pagowa nga Mr. and Ms. Bikini Ati-Atihan 2018 nga hugot nga binatikos bukon eamang it simbahan kundi maging it mga netizens sa probinsiya it Aklan.
Suno kay Father Ulysses Dalida it St. John the Baptist Cathedral, dapat nakita it mga organizer it event nga malaswa ro andang gin bilog nga konsepto it pagowa.
Gin pamilit kara nga dapat nga inisip it organizer nga ro show hay kaparte it selebrasyon it Kalibo Sto. Niño Ati-Atihan Festival, nga nagatao it pasundayag sa batang Hesus.
Owa sigon raya naga senanto sa kultura ag moralidad it mga Filipino.
Suno kana nga indi ebn dapat matabo it uman ro kapareho nga insidente nga gin patigayun sa Magsaysay Park nga sangka public place ag may mga unga nga nagatan-aw.
Nauna eon nga umani it batikos ro show kun siin nag mingku gay bar raya bangud sa pagsaot it sangka eaeaki nga nakasuksok eamang it itom nga t-back.
