Nag-angkon it tama sa itsura ag waea nga alima ro sangka 49-anyos nga eaeaki nga residente it Brgy. Solido Nabas, matapos nga eab-on bangud sa linya it tubi sa Sito Talisay, Brgy. Aquino, Ibajay.
Suno kay PMaj. Rajiv Salbino, hepe it Ibajay Municipal Police Station, natabo ro insidente bandang alas-6 it gabie ku adlaw it Lunes, Mayo 11.
Base sa andang imbestigasyon, nag-angkon it diskusyon sa tunga it 48-anyos nga suspek, nga residente man it Brgy. Solido Nabas, ag biktima bangud sa tubo it tubi nga nagakonekta sa baeay it suspect nga gin-buoe sigon it biktima ag gin-tao sa ibang tawo.
Nag pang-abot sigon sanda sa nasambitan nga lugar rason para nga mag-tuhaw ro insidente it pagpang-buno. Insigida man nga nag-surrender ro suspek sa Nabas PNP.
Dugang pa ni PMaj. Salbino, nag-angkon eon it pag-ilistorya sa mag-timbang nga bahin kun sa siin nag-desisyon eon lang ro biktima nga indi eon magpasaka it kaso.
Sa makaron, una eon sa maayos nga kahimtangan ro nasambit nga biktima.
