KALIBO,Aklan–“Nay, paligsan ta basi raya eon lang ro katapusan nakon nga pagpaligos kimo”.
Raya ro direktang ginpahayag it biktimang si Roselle Ann Invina-Rodriquez sa anang nanay antes nga masapwan sa sangka sapa ro nagaka-agnas karang bangkay.
Suno kay PCapt. Benny Jones Mendoza, Hepe it Banga Municipal Police Station nga emosyanal nga ginpakigbahin it nanay ni Roselle ro ulihing pag-istorya sa anang onga nga kun siin makabig nga may premonition.
Ginkupkupan pa sigon imaw kara antes nga nagpanaw sa andang panimaeay.
Ginpahayag dugang nga ginadurog gid ro tagipusuon it ina kara bangud sa owa kara hamuno ro ginpabutyag nga premonition it anang onga.
Angot kara, padayon sigon nga naga-apela it hustisya ro bilog nga pamilya Rodriguez para sa andang himata nga makangiedlis ro gindangatan sa alima it mga owa pa nakilaeang suspek.