Ginkumpirma ni Department of Foreign Affairs (DFA) Secretary Enrique Manalo nga magapadayon eon makarang buean ro mga serye it “confrontations” sa tunga it China ag Pilipinas angot sa West Philippine Sea.
Ayon kay Manalo, ro China ro magasirbing host sa masunod nga Bilateral Consultations Mechanism (BCM).
Unang ginhiwat ro naunang dayalogo kara sa Pilipinas ko July 2, 2024 apang halin kato hay sunud-sunod eon ro mga maritime incident nga natabo sa WPS kaibahan eon ro ko kan-o eamang ag pilang beses nga pagbangga it mga barko it China sa pinakamabahoe nga vessel it Philippine Coast Guard, BRP Teresa Magbanua.
Maskin uwa pa nagasugid si Manalo it ibang detalye angot sa pulong, naga pabilin man nga positibo ro secretary nga masugid ro pinaka ulihing ramming incident nga involved ro BRP Teresa Magbanua.
Una eon man nga ginhambae ni Manalo nga gin estudyuhan it ahensiya ro posibleng paghahaon it panibag-ong kaso kuntra sa China, kasunod it ginhungod nga pagbanga sa mismong barko.
