KALIBO, Aklan—Haum eon ro bilog nga pwersa it Aklan Police Provincial Office ukon APPO para sa Barangay ag Sangguniang Kabataan election.
Suno kay P/SSgt. Jane Vega, tagapaghambae it APPO nga all systems go eon ro kapulisan matapos nga syento porsiyento nga nakaplastar eon ro andang security preparations sa pagpanguna it Commission on Elections ukon Comelec ag iba pang natungdan nga ahensiya it gobyerno.
Maskin suno kana nga owa it ginakabig nga “hot spot” area sa Aklan, nagapabilin nga naka alerto ro andang linyada.
Suno kana nga may mga pulis nga iga-deploy sa mga polling precinct sa adlaw it eleksyon kamana man sa emergency response team.
Sa pihak nga parte, nagaeaum si Vega nga indi eon madugangan ro numero it mga nag-eabag sa gun ban sa Aklan.
