KALIBO, Aklan–Bilog nga pwersa it kapulisan ro igataeana agud nga magtau it seguridad sa pag-abot it mga bakuna hasta sa pagpatigayon it inoculation ukon mass vaccination.
Suno kay P/Major Belshazzar Villanoche, hepe it Kalibo Police Station nga kapareho it ginpatigayon nga transportation and security simulation drill it LGU-Kalibo hay makarondaya man ro andang paga-obrahon sa aktwal nga pag-abot it mga bakuna kontra covid 19 partikular ro numero it deployment it andang police personnel ag mga behikulo.
Ro andang pwersa sigon kabulig ro pilang mga katapo it Municipal Auxiliary Police ro magaserbing security escort para ma-secure ro mga COVID-19 vaccines kaibahan ro mga inoculation teams ag ro pagbantay it daeagan it trapiko agud nga indi madelay ro pagbiyahe kara.
