-- ADVERTISEMENT --
KALIBO, Aklan— Namatay samtang ginabueong sa sangka pribadong ospital ro 23-anyos nga si Jemuel Fernandez ag residente it Barangay Aranas, Balete, Aklan matapos nga nag-eompat halin sa roof top it sangka hotel sa Kalibo, Aklan.
Base sa imbestigasyon it Kalibo Police Station, antes natabo ro insidente hay nakit-an pa sigon si Fernandez it anang katrabaho sa roof top it hotel nga naga-inom it aeak.
Naghana pa sigon nga maglaslas it pulso ro biktima apang napunggan it pilang katrabaho kon siin ginpakamayad eon lang kara nga mag-eompat sa nasambitang edipisyo nga naging kabangdanan it anang hinali nga kamatayon.
Dugang pa kara nga uwa eon nagpapugong ro binatilyo bangud sa sakit ag kasubo nga nabatyagan tuga it problema kara sa anang pamilya.
