Binatilyo ninahan matapos nga gin-eampusan it anang kainuman

KALIBO, Aklan—Ninahan ro sangka eaeaki matapos nga gin-eampusan it anang kainuman sa Brgy. Laguinbanua West, Numancia.

Ro biktima hay sangka 16-anyos nga binatilyo samtang ro suspek hay ginkilaeang si John Michael Aldabi, 20-anyos ag parehong residente it nasambit nga lugar.

Base sa report, gainuman ro daywa kaibahan ro iba pa kat nakaangkon it mainitang diskusyon rason nga gin-eampusan it suspek it bote ro biktima nga gintunaan it anang lastro sa ueo.

Bangud kara, insigidang gindaea sa ospital ro biktima apang matapos nga gin-eapatan it medikasyon hay insigida man nga ginrefer sa outpatient department samtang ro nasambit nga suspek hay temporaryong nasa kustudiya it Numancia PNP para sa nagakaigong diskusyon.