Ginakabig nga sangka makasaysayan ro ginhimo nga pagperform it Pinay girl group nga BINI sa KCON LA 2024 music festival.
Sanda sigon ro unang Filipino group nga nagperform sa nasambit nga event.
Maabong mga fans ro nasadyahan sa performance it grupo kon sa siin ginkanta nanda ro “Cherry On Top” sa pre-show it “M Countdown” stage.
Uwa nakaibahan ro lider nanda nga si Jhoanna Robles bangud sa isyu it ikamayad nga eawas.
Pila sa mga nagperform sa Crypto Arena, sa California hay ro mga grupong ENHYPEN, NMIXX, STAYC(stay-cee), ZEROBASEONE, P1Harmony ag BOYNEXTDOOR.
Naging kaparte man sanda sa convention it special “Meet the Rising Stars: BINI”.
Antes raya hay gin-anunsiyo it grupo, nga ro andang BINIverse show sa Araneta Coliseum hay ginsaylo sa Nobyembre 16 ag 17 nga igapatigayon man sa parehas nga lugar.
