KALIBO, Aklan – May kaangtanan sa natabo nga Opening Salvo 2025 it banwa it Kalibo, nangin baeantayan man ro opisyal nga pagpakilaea sa mga kanditata it Binibini ng Kalibo Ati-atihan 2025.
Suno kay Director Raymond Villanueva ro main director it nasambitan nga pageant nga padayon ro andang ginahimo nga preparasyon para sa coronation night sa Enero 2025.
Ginpakigbahin nana nga apisar nga may mga trabaho ag estudyante ro mga kandidata hay namamanihar it mga raya ro andang mga oras para sa pagpractice ag ibang aktibidades nga eakot pageant.
Obserbasyon man sigon nana nga very supportive ro mga ginikanan, handlers ag managers it mga kandidata.
Rason nga uwa sigon imaw it nakikita nga pressure sa tunga it mga kandidata bangud nga ro mga raya hay magkakilaea ag mag-abyan man.
Pagbida ni Dir. Villanueva nga eain man ro paga-abangan sa makaron nga dag-on, kun siin ro venue eagi sigon hay gina-renovate.
Samtang, malipayon man imaw nga ro Kalibo ro banwa nga uwa kana nagatao it stress kun nagahandle imaw it pageant.
Pag-engganyo man ni Dir. Villanueva sa tanan nga Kalibonhon ag Aklanons nga bantayan ro koronasyon it nasambit nga pageant sa Enero it masunod nga dag-on.
Nasayuran nga 17 nga mga kababayinhan ro kandidata sa makaron nga tanan hay naging kwalipikado sa height, body ag iba pang criteria.
Ro mga raya hay halin ag representante it andang tagsa ka mga banwa.
