KALIBO, Aklan—Naeampasan eon it Bureau of Internal Revenue ukon BIR-Aklan ro naka-assign nga collection goal para sa dag-on 2020.
Suno kay Revenue Officer Nelia Demalata it BIR-Aklan nga sa makarun hay nag-abot eun sa 1.8 billion pesos ro nakolekta it taeatapan maghalin sa assigned goal collection nga 1.54 billion pesos.
Mas mataas sigon raya it kapin sa 257 million pesos.
Ginapahayag dugang nga mabahoe ro naibulig kanda it “one time transaction” kapareho it real estate,capital gains ag sale of property agud nga maeampasan ro target nga amount.
Samtang gina-ekspektar man it BIR-Aklan nga magbalik eun sa normal ro sitwasyon it nasyon agud nga maibalik man ro dating koleksyon kara.
Nasayuran nga umpisa kat nagpatuman it nagkaeain eain nga klase it community quarantine hay eubos nga naapektuhan ro pilang ka mga establisiyemento nga imaw man ro may mabahoe nga kontribusyon pag-abot sa ginabayaran nga tax.
