KALIBO, Aklan—Nagapatigayun it surveillance ag tax mapping saturation drive ro Bureau of Internal Revenue (BIR)-Aklan sa mga establisyemento sa bilog nga probinsya nga owa naga-isyu it official receipt.
Suno kay Ms. Nelia Demalata, revenue officer it BIR-Aklan nga kada dominggo sanda nagapatigayun it tax mapping sa mga establisyemento.
Ro mga VAT registered establishemt suno kana hay kinahang-ean nga magtao it resibo maskin pila ro presyo it ginabakae it sangka konsumidor.
Gin-insister pa kara nga may mission order sanda halin sa Regional Office sa pagpatigayun it raya nga tikang.
Gin-engganyo man kara ro publiko nga insigidang mag-report sa andang taeatapan engkaso nga may mamonitor sandang establisyemento-komersyal nga owa naga-isyu it official receipt agud nga mataw-an it nagakaigo nga aksyon.
Ro mga madakpan suno kana hay paga-isyuhan it Tax Information Sheet (TIS) kung siin dikara nakabutang ro penalidad nga posible nandang paga-atubangon.
