National News—Ginpabugae it Bureau of Internal Revenue (BIR) sa Central Luzon nga naeampasan kara it 16.9 percent ro andang target collection goal para sa dag-on 2020.
Base sa record, 11 distrito ro may gin-iba nga revenue collection nga gaabot it P29.4 billion kumpara sa target kara nga P25.3 billion.
Apang, mas manaba pa gihapon raya it 10.5 percent sa koleksyon ko nagtaliwan nga dag-on nga bumunae it haeos P32.9 billion.
Nakalista man ro BIR it 22.98 growth rate reflected halin sa target goal vis-a-vis kara ko 2019.
Suno sa BIR, ro manami nga collection performance kara hay bangud sa pagpatuman it ahensya it strict tax enforcement activities, voluntary compliance, tax campaign ag simplified processes.
Ko nagtaliwan nga dag-on hay nagpasaka raya it 16 nga tax cases sa idaeom it Run After Tax Evaders (RATE) program, kung siin pito sa mga ginkasuhan hay nag-eabag sigon sa Sec. 263 it Tax Code.
