Ginpaathag makaron it Bureau of Internal Revenue ukon BIR Kalibo nga nagabaton sanda it kliyente pinaagi sa andang e-appointment system.
Raya sigon hay ginlunsar kato pang Pebrero 2022 ag naimpormahan nanda ro publiko angot sa ginapatuman nanda nga sistema sa taeatapan.
Suno kay Jujet Paderes, OIC chief it client support system it BIR Kalibo nga makabenepisyo ro tax payer sa nasambit nga sistema bangud nga may exclusive sanda nga schedule it transaction para ma-cater sanda it mayad ag maeksplikahan.
Bukas ro e-appointment system sa sueod it 15 days kon sa siin 16 clients ro gina-cater kara ag nagabuhay it kapin sa 30 minutos ro kada transaksyon sa sueod it sang adlaw.
Mag-eowas kara, ro iba pa sigon nga option hay nagtaeana sanda it 5 walk-ins per counter kon sa siin sanda ro magabueos sa mga kliyente nga nagpabook nga uwa nakaabot sa andang schedule of transaction.
Raya hay first come first serve rason nga may natataeopangdan sa andang opisina nga may mga kliyente nga aga-aga pa nagaadto.
Apang, ro taeatapan hay bukas halin alas-7:30 it agahon hasta alas-5:00 it hapon.
Sa pihak kara, nagabaton man sigon sanda it bulk transction eabi eon sa mga job order sa mga government offices kon sa siin pwede nanda nga ipaasikaso sa andang HRD ag taw-an eamang nanda it SPA para ma-cater ro andang dokumento.
