BIR nagpadumdum sa mga kandidato ag partido angot sa campaign tax rules sa eleksyon

KALIBO, Aklan—Nagpadumdum sa mga kandidato ag partido ro Bureau of Internal Revenue (BIR) angot sa campaign tax rules sa 2022 national and local elections.

Suno sa BIR, indi dapat kalipatan it mga kandidato ag partido ro andang obligasyon sa buwis.Base sa Revenue Memorandum Circular no. 22-2022, nga ginpaguwa it BIR ko February 21, 2022, obligasyon it tanan nga mga kandidato, political parties ag party-list groups maskin ro mga campaign contributor nga magparehistro para sa andang buwis, i-update ro andang registration ag dapat nga mag-isyu it official receipt.

Raya hay agud nga maging baeasihan it Statement of Contributions nga igasumite man sa Commission on Elections (COMELEC).