KALIBO, Aklan — Ginpaeawig pa it Bureau of Internal Revenue (BIR) Revenue District Office 071–Kalibo ro palugit para sa pagsunod sa patakaran sa pagbo-oe ag pagpaskil it BIR Registration Seal Badge it mga online seller ag iba pang sakop nga naganegosyo sa digital platforms hasta sa Oktubre 31, 2026.
Kaibahan sa mga kinahangean nga magsunod ro online sellers, online merchants, digital platform operators, ag iba pang taxpayer nga may online business presence.
Ginamanduan sanda nga magbo-eo ag klaru nga ipaskil ro BIR Registration Seal Badge sa andang website, e-commerce ukon marketplace page, social media business page, ag iba pang digital platforms.
Suno sa BIR, nagasirbing pamatuod it registration ro nasambit nga badge ag dapat raya nga madaling makita ag ma-scan it publiko.
Gina-engganyo man ro mga sakop nga taxpayer nga magsunod sa gintaeana nga patakaran bago matapos ro ginpaeawig nga deadline.
