KALIBO, Aklan–Pabor ro Boracay Island Travel Agencies Tour Operators association incorporated ukon BITATOA sa pagtaeana it carrying capacity sa isla.
Suno kay Claribel Casimero, presidente it BITATOA nga mabahoe kanda nga bulig ro nasambit nga patakaran agud nga mataw-an it maayos ag nagakaigo nga serbisyo ro mga turista.
Aminado man ro nasambit nga grupo nga owa nanda na-anticipate ro grabeng pagbuhos it mga turista ko semana santa partikular ko Huwebes Santo ag Biyernes Santo.
Sa kamatuoran suno kana nga maabu ro gustong mag-island-hopping apang owa eon sanda it may maitau bangud sa kakueangan it baroto.
Bukon pa sigon it operational ro tanan nga mga accommodation ag services sa boracay bangud nga maabu pa nga mga pasilidad ro nagapabilin nga sarado ag may mga trabahador pa nga owa nakabalik.
Hugut sigon ro monitoring it mga bisita nga nagasueod bangud sa ginapatuman nga one-entry-one-exit-policy.
Nasayuran nga halin sa 19,215 nga limit it turistang magabisita sa boracay, lomobo raya sa 21,252 ag 22,519 ko April 14 ag 15.
Bangud kara, nagpaguwa it paandam ro DILG sa lokal nga gobyerno it aklan angot sa pag-eampas it numero it mga turistang nag-abot sa boracay ko holy week.
Mag-eowas kara, hugut sa gihapon nga ginapatuman ro restrictions kontra sa COVID 19.
