KALIBO, Aklan–Nagapabilin nga normal ro biyahe it mga roro vessel halin sa Caticlan Jetty Port paagto sa Mindoro ag Batangas Port kamana man ro patabok sa isla it Boracay.
Suno kay CPO Jackielou Ang it Philippine Coast Guard ukon PCG-Aklan nga naka-heightened alert sanda makaron bilang pagpahaum sa Semana Santa ag Summer Vacation.
Sa idaaeum sigon it ‘Oplan Biyaheng Ayos: Semana Santa & Summer Vacation 2021’, naka-alerto ro andang mga tawuhan sa pantalan kamana man ro andang K9 units, medical teams, ag deployable response groups.
Tuyo kara nga mabantayan ro mga nagasueod ag nagaguwa nga mga pasahero ag ro biyahe it mga barko.
Nakipag angot eon man sigon sanda sa LGU-Malay sa ginapatuman nga mga aktibidades angot sa covid 19 partikular ro hugut nga implementasyon it health and safety protocols.
