KALIBO, Aklan–Nagdeklara it red alert ro Bureau of Jail Management and Penology (BJMP) makaron nga Disyembre 24, 25 ag 26 agud nga mabantayan ro pasilidad partikular ro posibleng pag-eskapo it mga inmates.
Suno kay Jail Inspector Rolyn Malolos, Jail Warden it BJMP-Aklan full force ro andang mga personnel makaron nga tiempo bangud nga owa sanda ginapasugtan nga mag leave.
Ginpaathag kara nga kada naga-abot ro paskwa ag bag-ong dag-on hay ginatukob it kasubo ag kahidlaw ro mga inmates sa andang mga pamilya rason nga ro iba hay nakaka-isip nga mag eskapo.
Sa pihak nga parte, ginpahayag dugang ni Malolos nga sa maabot nga Disyembre 27 hay magapatigayon sanda it dry run para sa programa kun sa siin ginapasugtan eon ro mga inmates ukon persons deprived of liberty ukon PDLs nga magbaton it bisita.
Raya hay kapareho sa ibang jail facilities sa nasyon nga ginpasugtan eon ro face to face visitation.
