Kalibo Aklan ——Total lockdown eun makarun ro Bureau of Jail Management and Penology (BJMP-Aklan) .
Raya hay matapos mag-eupok ro balita nga may mga inmates eun sa nasyon nga nahawaan it coronavirus disease (COVID-19).
Suno kay Jail Inspector Felix Sariano it BJMP -Aklan nga sa makarun hay owa eun it pwedeng makasueod ag makagguwa sa andang taeatapan.
Ginpahayag dugang nga maskin ro andang mga personnel nga naka-destino sa guwa it opisina hay ginabawaean eun man nga makasueod samtang ro mga Jail Warden sa sueod hay indi man pwedeng magguwa ukon makipag-close contact sa ibang tawo.
Sa makarun suno pa kana hay may mga ginapatuman sandang precautionary measures agud nga indi sanda masudlan it COVID .
Tanan sigon sanda hay nagasuksok it face mask ag naga-obserba it social distancing kung may ginahiwat nga aktibidad.
Samtang , aminado man raya nga indi masarangan it mga pasilidad sa probinsya it kung makaangkon it worst case scenario sa sueod it mismong presuhan.
