Ginsigurado it Bureau of Jail Management and Penology (BJMP) nga indi pgataw-an it special treatment si Senador Rodante Marcoleta.
Suno kay BJMP spokesperson Jsupt. Jayrex Bustinera, uwa it sinumang person deprived of liberty (PDL) ro pagataw-an it VIP treatment sa idaeom it andang kustodiya.
Ginkumpirma man it BJMP nga una sa kustodiya eon it Quezon City Jail Male Dormitory ro senador alas-10:49 it agahon kahapon nga adlaw it Miyerkules, Hulyo 15.
Ro pag-saylo kay Marcoleta sa QC jail hay sanidg sa mando it Sandiganbayan matapos hambaeon it mga doktor it UP-Philippine General Hospital nga uwa it rason para mapabilin pa nga naka-hospital arrest ro senador.
Presenteng nagapangatubang ro senador kaibahan it tatlo pa sa anang kaparehong akusado sa kasong plunder bangud sa uwa sigon nga gindeklarang P75 milyong campaign donations.
