KALIBO, Aklan—Naging negatibo sa illegal nga droga ag mga mataeum nga hinganiban ro ginpatigayon nga sorpresang greyhound operation sa Bureau of Jail Management and Penology ukon BJMP sa Brgy. Nalook, Kalibo, Aklan.
Ro operasyon hay pinaagi sa gintingub nga pwersa it mga tawuhan it BJMP, Philippine Drug Enforcement Agency, Special Weapons and Tactics (SWAT) it Aklan Police Provincial Office (APPO) kaibahan ro Kalibo PNP.
Sa ginpatigayon nga paghaeughog it mga awtoridad hay owa it iligal nga drogang nausoy apang may pilang mga nakumpiskang bagay nga ginabawae sa presuhan.
Ro pagpatigayon it Oplan Linis Ligtas ukon ro mas ginpabaskog nga Oplan Greyhound hay programa it BJMP agud nga maduea ro presensya it iligal nga droga sa sueod it presuhan.
