Hantop sa tagipusuon nga ginbaton it grupo nga Black Beauty Boys ro naging resulta it ginpasakupan nga kompetisyon kon sa sa siin naangkon it mga raya ro second prize sa tribal group big category sa custome contest and street dancing competition sa Kalibo Sr. Sto. Niño Ati-Atihan Festival 2023.
Suno sa tribal leader nga si Engr. Lucas Francisco, haeos tanan sanda hay nagahandom nga mapasaalima ro one milyon pesos apang may mga hurado nga nagabusisi sa tanan ag sanda eamang ro makahambae kon sin-o ro pwede nga magpangibabaw.
Kontento sigon sanda sa naging resulta ag naging masadya ro bilog nga grupo bangud sa mag-eowas nga naging panaad eon nanda raya kada dag-on hay nabawi man ro andang gastos sa premyo nga nadag-an nga nagaabot sa P300,000 pesos dugang pa ro kapin sa P120,000 pesos nga subsidiya.
Eubus man ro anang pagpasaeamat sa anang mga miyembro bangud nga nagtaeana ro mga raya it oras ag sakripisyo sa pag-obra it andang custome.
Ro Black Beauty Boys hay may kueang kueang 200 ka mga miyembro ag mag-eowas sa pagiging second placer nanda hay nabueo man nanda ro special awards nga Best in Kalibo Ati-Atihan Street Dancing.
