National News———Nagpatigayon eon it “full investigation” ro Armed Forces of the Philippines sa pagbagbag it Hercules C-130 plane it Philippine Air Force ko adlaw it dominggo sa Brgy. Bangkal, Patikul, Sulu.
Ginpahayag ni AFP spokesman Major Gen. Edgard Arevalo, nga ginausoy eon it militar ro flight data recorder ukon black box it C-130.
Namatay sa trahedya ro 52 nga indibiduwal kaeakip ro 49 nga soldado ag 3 sibilyan samtang ninahan ro 47 ka soldado ag ap-at nga sibilyan.
Apisar nga bukon it brand new ro eroplano, una raya sa maayos nga kondisyon.
Pagklaro pa ni Arevalo nga uwa it nakit-ang senyales it pag-atake sa eroplano.
Apang ginpasiguro kara nga ro tatlong piloto ag limang crewmen hay “seasoned and experienced and with appropriate credentials.”
Ginpondo eon it otoridad ro search and retrieval operations matapos marekober eon ro tanan nga sakay kara kaibahan ro bangkay it tatlong piloto ag limang crew.
Grounded eon man ro C-130 fleet samtang nagapadayon ro imbestigasyon.
