Una nga magabisita ro Black Nazarene ukon Poong Nazareno halin Quiapo sa probinsiya it Akan sa Abril 20 hasta Abril 23.
Suno kanday Truly Flaviano Jr., founder it Sr. Serene de Aklan ag Efren Calma , Vice President ag musician it nasambitan nga organisasyon , magadungka halin sa Caticlan Jetty Port alas 9 it agahon ag maga patigayon it motorcade halin sa Caticlan paadto sa Numancia sa alas-11 it agahon.
Magapatigayon man it welcome mass pasado alas-5 it hapon sa Rosario, Malinao ag farewell mass sa Abril 25 pabalik sa Caticlan.
Gin-anunsyo man it organisasyon nga pagadaehon ro Poon sa Poblacion, Banga sa Abril 22 ag pagadaehon man raya sa Abril 23 sa New Washington kung siin makit-an ro pagdungaw.
Mag-eowas kara , magapatigayon man it grand procession, ag Santos nga misa, youth presentation ag paharo sa mga deboto.
Padumdom ni Flaviano nga padayon kita nga magsalig, magpati ag magpangamuyo sa Poong Nazareno.
