KALIBO, Aklan–Ginhiwat ro blessing ag turnover it limang ka mga patrol vehicle halin sa national headquarters para sa Aklan, Antique ag Capiz Provincial Police Office makaron nga adlaw sa bahin it Camp Pastor Martelino, New Buswang, Kalibo.
Sa naging diskurso ni Police Colonel Crisaleo Tolentino, Provincial Director it Aklan PPO, ginpasaeamatan kara ro nagtambong sa seremonya eabi eon si Aklan 2nd District Congressman Teodorico Haresco nga may mabahoe nga kontribusyon sa pagtao it katumanan kara.
Nasayuran nga tatlo sa mga natungdan nga behikulo hay para sa Aklan ag tig sambilog ro para sa Antique ag Capiz.
Ginpahayag pa ni Tolentino nga ro event hay umpisa pa eamang it resulta it mga inisyatiba ni Congressman Haresco.
Raya hay bangud nagpromisa ro kongresista nga magatao it masobra P20 million infrastructure project sa kampo.
Raya sigon ro rason kung ham-an may una sanda nga request para sa kontruksyon it covered court sa sueod it kampo, 3-storey quarter builing ag dugang nga request para sa konstruksyon it world class firing range ag swat van.
