-- ADVERTISEMENT --
ISRAEL – Masadya nga ginpamalita ni US Secretary of State Antony Blinken nga anda eon nga napasugot ro Israel sa proposal nga pun-an ro mga kakueangan sa ceasefire negotations.
Dugang pa kara nga ro masunod nga tikang makaron hay ro pagbaton man it Hamas sa nasambit nga negosasyon nga mahimo nga matabo sa masunod nga mga dominggo.
Kung napasugot eon nanda ro daywang parti ay uwa it mangin problema pa sa mga negotiators nga ipatuman ro gin kasugtanan.
Pag-insister pa kara nga ro mangin ulihing kahigayunan nga makabalik eon ro mga bihag ag mapatuman eon ro ceasefire.
Una kara hay umabot it tatlong oras ro meeting ni Blinken kay Israeli Prime Minister Benjamin Netanyahu para ingganyuhon raya nga magsugot eon sa nasambit nga kasugtanan.
-- ADVERTISEMENT --
