KALIBO, Aklan—-Ginkumpirma it Boracay Land Transport Multi- Purpose Cooperative (BLTMPC) nga mabuhay eon nga nakatambak sa compound it Land Transportation Office (LTO)-Malay ro kapin sa 200 nga e-trike unit.
Suno kay BLTMPC Chairman Joel Gelito nga ro mga nasambit nga electric vehicle hay ginbakae it Department of Energy (DOE).
Nagahueat sigon sanda sa magiging disposisyon kara it ahensya apang hasta sa makaron hay owa gihapon raya maiturn-over.
Bangud sa kabuhay eon nga naka-stock ro mga behikulo, ro iba sigon kara hay owa eon nagadaeagan.
Aminado man imaw nga medyo manaba ro kalidad it nasambit nga unit it e-trike kamana man nga lima eamang ro seating capacity kara.
Sa pihak kara, haum sigon ro BLTMPC nga magbaton it mga nasambit nga behikulo engkaso nga magpursigi ro DOE nga itao raya it libre kanda.
